Duelo inédito polo cetro europeo
Duelo inédito polo cetro europeo
España e Inglaterra enfrontaranse por primeira vez nunha final en categoría masculina
O último partido que xogaron os dous equipos foi nos cuartos de final de 1996 e a vitoria foi inglesa por penaltis
España medirase na final de Berlín cunha Inglaterra mellorada. Un duelo inédito do que sairá o campión da Eurocopa. Os futbolistas de Southgate, cunha posta en escena máis atractiva que a de citas anteriores, remontaron o gol de Simons primeiro cun tanto de Kane dende os once metros e logo cun segundo de Watkins co tempo practicamente esgotado. Inglaterra volve a unha final tras perder con Italia en Wembley en 2021.
España, con pleno de vitorias nesta Eurocopa, intenta rebaixar a euforia exterior antes do partido definitivo. Pero ninguén pode frear as expectativas creadas arredor deste grupo de futbolistas. O domingo á noite sairemos de dúbidas.
