Orbán, vencedor das eleccións lexislativas de Hungría
Orbán, vencedor das eleccións lexislativas de Hungría
A formación do primeiro ministro lidera con claridade o reconto dos votos co 54 %
Víktor Orbán asegura o seu cuarto mandato consecutivo por unha ampla vantaxe
Os colexios electorais abriron a primeira hora
O primeiro ministro de Hungría, Viktor Orbán, declarouse vencedor das lexislativas celebradas este domingo, nas que logra o seu cuarto mandato consecutivo cunha ampla vantaxe sobre a oposición.
Tras o 71 % dos votos escrutados dixo: "Logramos unha enorme vitoria".
A formación do primeiro ministro, o Fidessz, lidera con claridade, cun 54 % dos votos, o reconto das eleccións lexislativas húngaras.
Referendo
A cidadanía húngara votou tamén este domingo en referendo o futuro dunha lei que o Goberno impulsou para loitar contra os abusos a menores pero rematou vinculando a homosexualidade coa pederastia.
A súa aprobación provocou que a Unión Europea abrira un procedemento de infracción contra Hungría, ao considerala homófoba, discriminatoria e contraria aos valores comunitarios. O Goberno acusa a Bruxelas de tentar divulgar "ideas sobre cambio de sexo ou sexualidade nos colexios".
Para que o referendo sexa válido esíxese unha participación mínima do 50 %, aínda que a súa invalidez non significa que a lei (xa en vigor) se deixe de aplicar.
.png)
.png)