En risco de suspensión o partido do Breogán por un gromo de coronavirus

Logo do caso de COVID de Bell Haynes, que quedou en Lugo, saltou un segundo caso desta volta na expedición do Breogán que estaba en Manresa disposta a xogar o seu partido de ACB diante do Baxi (20.00 horas). 

Os xogadores e o corpo técnico desprazáronse ata un laboratorio para realizar as pertinentes PCR e descartar máis casos positivos. No caso de ter un terceiro a suspensión do partido sería automática, pero as posibilidades de aprazamento do partido son moitas. 

O Breogán non puido facer a sesión de pista que tiña programada para a mañá e, no caso de xogar, estaría moi mermado. Todo parte dos casos positivos que tivo o Gran Canaria, último rival contra o que xogou o equipo lucense.