Enmanuel Reyes xa exhibe na Coruña a súa medalla de bronce olímpica
Enmanuel Reyes xa exhibe na Coruña a súa medalla de bronce olímpica
Enmanuel: "Estou supercontento, porque esta é a miña cidade e aquí está a miña xente"
De Pequín regresou co mal sabor de boca de quedar ás portas, pero de París Enmanuel Reyes Pla, o Profeta, trouxo un gran sorriso asociado á súa medalla de bronce olímpica en boxeo.
O cubano asentado na Coruña regresou este mércores pola mañá á cidade e foi recibido no aeroporto de Alvedro por un bo número de amigos, compañeiros de ximnasio e afeccionados que non quixeron pasar a oportunidade de fotografarse coa nova medalla herculina dos Xogos Olímpicos.
Un tanto emocionado, o púxil de orixe cubana pero asentado na Coruña desde hai sete anos, mostrou a súa gratitude polo agarimo exhibido polos seus.
"Estou supercontento, porque esta é a miña cidade e aquí está a miña xente. Síntome feliz por todo o que fixemos. Non conseguín máis, porque os árbitros non foron xustos na pelexa que fixen".
Enmanuel Reyes empezará desde xa a preparar o ciclo olímpico que o ten que levar aos Ánxeles 2028 coa vista posta en chegar á final da súa categoría e pelexar pola medalla de ouro.
