Epi: "Somos conscientes de que é un partido importante, nótase na contorna"
O Leyma recibe o sábado ao Lleida, un rival directo na pelexa pola salvación
O adestrador do Leyma Coruña, Diego Epifanio, repasou a actualidade do club laranxa nunha semana moi importante para o equipo. Reciben o sábado o Lleida, un rival directo na pelexa pola salvación.
O Leyma é pechacancelas, a dous triunfos do Xirona, Granada e do seu rival desta xornada, ao que xa venceu na ida.
"Xa houbo moitos titulares desde que estou aquí. O partido máis importante da historia do club xa non sei cantas veces o xogamos".
Con todo, é consciente da importancia da cita ante os cataláns.
"As contas da leiteira non poden ir máis aló do partido a partido".
"Somos conscientes de que é un partido importante, nótase na contorna".
Os de Epi acumulan nove derrotas seguidas. Regresa a competición tras unha parada de dúas semanas, a primeira pola Copa do Rei e a segunda polos partidos de seleccións.
