España comeza o reto da Eurocopa diante de Croacia
España comeza o reto da Eurocopa diante de Croacia
Nun grupo moi esixente este primeiro duelo semella fundamental para calibrar as aspiracións dos de Luís de la Fuente
España desconta as horas para debutar na Eurocopa ante a combativa Croacia. Un duelo complexo nun grupo marcado pola esixencia. A selección aspira a darlle continuidade á xeira de éxitos que iniciou en 2023 coa conquista da Nations League.
A selección española presenta candidatura cunha mestura de veteranía e xuventude. Non hai figuras estrela pero si futbolistas destacados en todas as demarcacións. O centro do campo e o liderado do vestiario son dominio de Rodri, referente indiscutible do grupo.
Este sábado mediranse no campo os 39 anos e 170 internacionalidades de Modric, cos 16 anos e sete partidos coa absoluta de Lamine Yamal, chamado a ser unha das xoias de España nesta Eurocopa.
