España desconta as horas para a estrea ante Croacia na Eurocopa

España desconta as horas para a estrea ante Croacia na Eurocopa. Mikel Merino pon en valor a calidade do centro do campo que lidera Modric. Tamén España quere ser dominadora. Pero no debate, sempre aberto arredor do estilo, Merino aposta pola capacidade de adaptarse ás particularidades de cada encontro.

O centrocampista da Real Sociedade, campión da Eurocopa sub-19 en 2015 con Luis de la Fuente aos mandos, aposta pola esixencia para superar roldas no torneo. Merino comparte convocatoria con outros catro xogadores da Real Sociedade. Todo un fito que fala, dixo, do ben que se están facendo as cousas en San Sebastián.