España vence a Finlandia (100-90) e xogará a súa undécima semifinal consecutiva
España vence a Finlandia (100-90) e xogará a súa undécima semifinal consecutiva
España perdía 43-52 no descanso e acabou gañando 100-90
Lorenzo Brown, Willy Hernangómez e un impresionante Rudy Fernández lideraron a remonta
A selección española de baloncesto disputará a súa undécima semifinal consecutiva nun Campionato de Europa, tras imporse este martes por 100-90 á de Finlandia no encontro de cuartos de final do Eurobasket 2022 disputado en Berlín.
Os de Scariolo comezaron ben o encontro, a bo ritmo e con boas porcentaxes de tiro, pero desinfláronse á metade do primeiro cuarto e permitiron aos finlandeses poñerse por diante e abrir unha brecha que chegou a ser de 15 puntos.
Pero na segunda parte, con protagonismo para Lorenzo Brown, Willy Hernangómez e un impresionante Rudy Fernández, déronlle a volta ao marcador e acabaron o partido sen sufrir nos últimos instantes.
Year 18 of clutch Rudy Fernandez threes#EuroBasket x #BringTheNoise
— #EuroBasket 2022 (@EuroBasket) September 13, 2022
📺 https://t.co/XA74VljBO4 pic.twitter.com/fz1x7JbbDg
O conxunto español, vixente campión do mundo, medirase o vindeiro venres, 16 de setembro, nas semifinais co gañador do duelo de cuartos que enfrontará esta noite (20:30) a Alemaña con Grecia.
