O Preolímpico da selección feminina pasa polas semifinais do Eurobasket

Este xoves, a selección feminina de baloncesto afronta os cuartos de final do Eurobasket ante Alemaña. As de Miguel Méndez chegan como primeiras de grupo e buscarán unha praza no Preolímpico se acadan as semifinais.

España comezou o torneo perdendo ante Letonia pero despois sumou dúas claras vitorias ante Grecia e Montenegro. Contra Alemaña xogan o pase ás semifinais. Para o seleccionador, o vigués Miguel Méndez, o equipo chega forte física e mentalmente.