Estopa, Bad Gyal ou Bryan Adams, entre as primeiras confirmacións do Son do Camiño 2025
Estopa, Bad Gyal ou Bryan Adams, entre as primeiras confirmacións do Son do Camiño 2025
O festival celebrarase no Monte do Gozo os días 12, 13 e 14 de xuño de 2025
A segunda remesa de entradas sairá á venda este xoves, a partir de 135 euros
Primeiras confirmacións do Son do Camiño 2025/O Son do Camiño
O Son do Camiño avanzou este martes as primeiras edicións para a súa edición de 2025, que se celebrará os días 12, 13 e 14 de xuño de 2025 no Monte do Gozo, en Santiago de Compostela.
Os primeiros artistas confirmados son Kings of Leon, Bryan Adams, Estopa e Duki como cabezas de cartel. Estarán acompañados por outros grandes do panorama musical actual como Bad Gyal, Mikel Izal, Steve Aoki, The Rapants, Amaral, Kase.O, Juan Magán, Carolina Durante ou La La Love You.
Primeiro avance do cartel de #OSDC2025 💫
— O Son Do Camiño (@OSonDoCamino) December 17, 2024
Damos a benvida á:@KingsOfLeon (data única no norte de España 2025)@DukiSSJ, @amaraloficial, @franzferdinand (únicos festivais en Galicia 2025)@bryanadams, @estopaoficial, @steveaoki e Bad Gyal (datas únicas en Galicia 2025) pic.twitter.com/XjExtuP0wy
O festival xa esgotou a súa primeira remesa de abonos, un total de 25.000 entradas, o pasado mes de novembro. Este xoves sairán entradas de novo á venda, aínda que en vez do custo inicial de 87 euros, os abonos venderanse a partir de 135 euros. A organización afirma que proximamente anunciarán novas confirmacións deste festival consolidado como o "evento musical máis grande do norte da península".
O Son do Camiño está promovido polas empresas galegas Bring The Noise e Esmerarte Industrias Creativas, ademais de contar co apoio da Xunta de Galicia desde a súa primeira edición. Estrella Galicia volverá ser o principal patrocinador privado do festival.
