Exhibición do Bergantiños diante dun dos favoritos ao ascenso

O Bergantiños realizou un gran fútbol e colleitou unha vitoria de moito mérito diante do poderoso Real Avilés, que acababa de gañarlle ao Coruxo na primeira xornada. O protagonista do triunfo foi o centrocampista David Álvarez, que marcou os dous primeiros goles, o inicial cun gran lanzamento de falta. 

Cos asturianos contra as cordas aproveitou o equipo de Carballo para facer sangue e aumentar a vantaxe ata o 4-1 cos tantos de Omar e Antañón. O Avilés só puido maquillar o resultado na última xogada do partido.