Falece na rexión do Donbás a cooperante española Emma Igual
Falece na rexión do Donbás a cooperante española Emma Igual
Un mísil ruso impactou no coche no que viaxaba canda outros cooperantes
Tamén faleceu un compañeiro canadense que conducía o vehículo
É a primeira vítima mortal española na guerra de Ucraína
Emma Igual, de 32 anos e natural de Barcelona, é a primeira cooperante española que morre dende que comezou a invasión de Ucraína. Estaba traballando na zona do Donbás facendo evacuacións coa súa propia ONG, Road to Relief, fundada no mes de marzo de 2022.
O ataque no que perdeu a vida ocorreu este sábado pola mañá cando se dirixía en coche a Bakhmut dende Sloviansk, onde teñen a base. Viaxaba con outros tres cooperantes cando un mísil ruso bateu contra o vehículo. O condutor, de nacionalidade canadense, tamén perdeu a vida.
O ministro español de Asuntos Exteriores confirmou este domingo en Nova Delhi o falecemento de Emma Igual. José Manuel Albares dixo que "teñen confirmación verbal do falecemento, pero falta a oficial das autoridades ucraínas". Esta sería a primeira vítima mortal española no conflito.
.png)
.png)
