Cargando resultados...
Ferido o copiloto dun dos vehículos implicados nun accidente de tráfico en Becerreá
Segundo informou o 112, un camión de madeira chocou contra un turismo
O accidente tivo lugar arredor do quilómetro 459 da A-6 sentido Madrid
G24.gal
07/04/2025 18:25
Un home resultou ferido tras verse implicado nun accidente de tráfico no municipio lucense de Becerreá.
Segundo informou o 112, o accidente tivo lugar arredor das 13:50 horas, un camión de madeira chocou contra un turismo.
Foi o propio condutor do camión o que deu a voz de alarma e indicou que o copiloto do outro vehículo estaba ferido. Finalmente, tivo que ser liberado.
Debido á aparatosidade do suceso, formáronse longas retencións na vía afectada, arredor do quilómetro 459 da A-6 sentido Madrid.
No operativo participaron Urxencias Sanitarias, a Garda Civil de Tráfico, os Bombeiros de Sarria e dispositivos de mantemento de estradas.
