Galicia terá unha oficina itinerante de información para refuxiados ucraínos
Galicia terá unha oficina itinerante de información para refuxiados ucraínos
Asesorará sobre as prestacións que teñen á súa disposición e de que maneira poden regular a súa situación
Desde o inicio da invasión rusa, a Asociación Galega de Axuda a Ucraína enviou xa trece camións con axuda humanitaria e xestionou a acollida de 200 refuxiados.
A conselleira de Política Social, Fabiola García, visitou esta mañá o almacén de AGA-Ucraína na Coruña e anunciou a posta en marcha inminente dunha unidade móbil para asesoralos á súa chegada a Galicia.
A conselleira sinalou que, aínda que o fluxo de refuxiados se desacelerou nas últimas semanas, é o momento de facilitar servizos ás persoas que chegaron ao país. Con este obxectivo, apuntou, a próxima semana poñerase en marcha unha unidade móbil que leve información por toda Galicia á poboación ucraína sobre todas as prestacións que teñen á súa disposición e de que maneira poden regular a súa situación.
