Gilsanz: "Síntome orgulloso de ser adestrador, de Betanzos, galego e do Dépor"
Gilsanz: "Síntome orgulloso de ser adestrador, de Betanzos, galego e do Dépor"
Gilsanz cre que a aposta do club por el pon en valor o labor de todos os adestradores das categorías inferiores do Deportivo
O adestrador Óscar Gilsanz asegurou este mércores que afronta "moi ilusionado" o reto de dirixir o Deportivo na Liga Hypermotion, despois de ser confirmado como técnico do primeiro equipo ata final de tempada, unha traballo do "non hai nada comparable", dixo.
"É un soño e un orgullo. Síntome orgulloso de ser adestrador, de Betanzos, galego, do Dépor"
"Orgulloso de que se vexa que a xente de Abegondo somos capaces de espertar a confianza da xente para levar o primeiro equipo"
"Agora xa hai un reto diferente. A ilusión é o que nos move a traballar nun club como este. Ás veces os soños cúmprense, creo que non hai nada comparable a ser adestrador do primeiro equipo do Dépor", afirmou o técnico galego.
O substituto de Imanol Idiakez, que ata a destitución do técnico guipuscoano estaba á fronte do Fabril, espera achegar "moito traballo" ao primeiro equipo, no que ve clave crear un ambiente de "confianza e positivismo".
"O traballo colectivo será un dos nosos sinais de identidade", subliñou.
Gilsanz cre que a aposta do club por el pon en valor o labor de todos os adestradores das categorías inferiores do Deportivo.
🎙️ Primeiras palabras de Óscar Gilsanz tras ser anunciado como adestrador do primeiro equipo:
— RC Deportivo (@RCDeportivo) November 6, 2024
🗣️"𝐼𝑚𝑜𝑠 𝑎𝑝𝑜𝑟𝑡𝑎𝑟 𝑚𝑜𝑖𝑡𝑜 𝑡𝑟𝑎𝑏𝑎𝑙𝑙𝑜" pic.twitter.com/fppvDj13qh
