Gol olímpico de Gabri Veiga co Al Ahli saudita

Gabri Veiga demostra estar totalmente recuperado das lesións que o condicionaron a temporada pasada. O xogador do Porriño marcou un golazo de córner directo na vitoria do Al Ahly saudita diante do Al Rayyan, partido correspondente á terceira xornada da Liga de Campións asiática.

O seu equipo gañou por 2-1 e o gol de Veiga foi o que abriu o marcador. Con este resultado o Al Ahly mantén o pleno de triunfos e comparte a primeira posición co Al Hilal. No campionato ligueiro non lle van tan ben as cousas ao conxunto de Arabia xa que está no medio da táboa clasificatoria, lonxe dos primeiros postos.