Golpe de efecto de Jonas Vingegaard no Tour de Francia

O danés deu este mércores un golpe de efecto no Tour de Francia, cunha vitoria na cima do Granon, de categoría especial, que lle permitiu arrebatar a camisola amarela ao esloveno Tadej Pogacar, mentres que o colombiano Nairo Quintana foi segundo.

O segundo da pasada edición atacou o gañador das dúas últimas a falta de menos de 5 quilómetros de meta e puxo en evidencia as debilidades que o esloveno non mostrara nos dous últimos anos.

Ao termo dunha etapa en que o Jumbo de Vingegaard acosou desde o primeiro quilómetro o líder, o danés, de 25 anos, logrou o seu primeiro triunfo de etapa no Tour, por diante dun Quintana que entrou a un minuto.