Hugo Sotelo destaca o papel da súa nai para "cumprir o soño" de seguir no Celta
Hugo Sotelo destaca o papel da súa nai para "cumprir o soño" de seguir no Celta
De Iago Aspas tamén revelou a súa axuda para renovar o contrato: "Estoulle moi agradecido, meteuse no medio para axudarme a min a resolver algún problema"
Hugo Sotelo será xogador do Celta de Vigo ata xuño de 2028.
"Grazas a Deus, cumprín o meu soño", confesou co seu novo contrato que o liga ao club da súa vida durante catro tempadas.
Unha renovación e unha carreira que non se pode entender sen a figura da súa nai. Fátima Sotelo guiou desde neno este xogador rebelde de carácter indomable.
O mesmo Hugo Sotelo recoñece que en moitos momentos é un xogador "moi impulsivo. Moitas veces o meu carácter compáranmo co de Aspas... para o bo e o malo".
Un carácter que a súa nai, a súa parella Antía e o propio Claudio Giráldez tratan de canalizar. Unha parte fundamental sen a que nada disto podería chegar a suceder é o papel da súa nai Fátima Sotelo.
"Estou moi agradecido. Leva dez anos pelexando por min co tema do fútbol, axudándome en todo o posible e aconsellándome".
De Iago Aspas tamén revelou a súa axuda para renovar o contrato.
"Estoulle moi agradecido meteuse no medio para axudarme a min a resolver algún problema. Cando se publicou a renovación mandoume unha mensaxe e estaba moi contento".
"Tiña algunha dúbida sobre o contrato, que era o mellor, o peor e pedinlle consello", ampliou Sotelo.
