Idiakez non quere que o equipo se deixe levar "por ningunha onda pesimista"
Idiakez non quere que o equipo se deixe levar "por ningunha onda pesimista"
O Dépor recibe un Burgos que se presentará en Riazor despois de tombar a Huesca e Zaragoza
A última derrota fronte ao Córdoba avisou o Deportivo, ao que a volta ao fútbol profesional estáselle atragoando máis do esperado, cunha soa vitoria nas cinco primeiras xornadas, antes de recibir este sábado a un Burgos que se presentará en Riazor despois de tombar a Huesca e Zaragoza, respectivamente.
O Dépor paseou a pasada tempada en Primeira Federación. Nesa categoría, os seus erros non lle penalizaron tanto como neste arranque de curso.
“Os futbolistas non se regalan, están nunha categoría por algo, e aquí se te equivocas págalo moito máis que en Primeira Federación. Temos que asumilo”, afirmou Imanol Idiakez.
Os de Idiákez están en postos de descenso.
"Non nos queremos deixar levar por ningunha onda pesimista. O equipo fai moitas cousas ben".
O Deportivo só logrou marcar tres goles.
"Non estou preocupado porque estamos a ter ocasións cada día".
