Inés Arrimadas deixa a presidencia de Ciudadanos asumindo os seus erros

Inés Arrimadas despediuse como presidenta de Ciudadanos e pediu unidade dentro da formación. Arrimadas, que seguirá de voceira no Congreso, dixo que ninguén é máis importante que o partido e asegurou que Ciudadanos ten máis opcións coa dirección nova. 

"O noso peor inimigo sempre fomos nós mesmos e só de nós mesmos depende que saquemos isto adiante. Non o imos remontar pelexándonos, atacándonos entre compañeiros. E que non vos enganen. Non vos deixedes levar por cantos de serea. Outros partidos non queren as nosas propostas, nin sequera queren os nosos activos políticos, só queren os nosos votos"