Interior cesa o comandante da Garda Civil imputado no caso Koldo
Interior cesa o comandante da Garda Civil imputado no caso Koldo
Foi detido a principios de ano no aeroporto de Baraxas e está imputado por un delito de suborno
O ministro do Interior, Fernando Grande-Marlaska, cesa o comandante imputado no caso Koldo. O garda civil, destinado como agregado de Interior na Embaixada de España en Caracas, foi detido a principios de ano no aeroporto de Baraxas.
Está imputado no caso Koldo por un delito de suborno. A UCO tiña indicios de que percibía 2.000 euros mensuais por parte do comisionista da trama, Víctor de Aldama.
O comandante fora detido a principios de marzo cando chegou nun voo procedente de Málaga, ante a sospeita dos investigadores de que o seu destino final puidese ser Venezuela.
Tras o rexistro da súa vivenda nun pobo de Córdoba quedou en liberdade e foi citado días despois para declarar como investigado ante o xuíz da Audiencia Nacional Ismael Moreno.
Tras a súa comparecencia, o xuíz do caso Koldo púxolle como medidas cautelares a entrega de pasaporte, o ordinario e o diplomático, e a prohibición de saír de España sen autorización xudicial.
Está investigado por un delito de suborno ante os indicios da UCO de "pagos en efectivo" de 2.000 euros mensuais por parte do comisionista da trama, Víctor de Aldama.
