Investigado un veciño de Carballo polo roubo da escultura de Punta Nariga

Un veciño de Carballo está a ser investigado pola Garda Civil porque podería ser o ladrón que roubou o pasado 15 de marzo a escultura de bronce denominada Atlante do faro da Punta Nariga de Malpica. A figura fora cortada cunha radial do muro en que se encontraba.

A investigación da Garda Civil, tras a denuncia da Autoridade Portuaria da Coruña, propietaria da peza, levounos ata este veciño que, segundo souberon, intentara vender a estatua despezada nunha chatarrería de Alvedro, en Abegondo.

Descoñécese o valor da escultura agora desfeita, pendente de informe da Dirección Xeral de Patrimonio da Xunta de Galicia sobre a súa consideración como ben de interese artístico ou cultural.