Irán reabre o seu espazo aéreo, pechado durante horas por temor a un ataque israelí
Irán reabre o seu espazo aéreo, pechado durante horas por temor a un ataque israelí
Decidiuno a Organización da Aviación Civil tras “garantir condicións de voo seguras”
Un avión descende no medio do fume provocado polos ataques aéreos israelís (Arquivo / Reuters)
A Organización da Aviación Civil iraniana retomou a actividade aérea tras suspendela unhas horas o domingo en todos os aeroportos do país debido a “restricións operativas” no medio das tensións por unha posible represalia israelí aos ataques do pasado martes contra o Estado xudeu.
O anuncio da continuación dos voos produciuse horas antes do previsto polas autoridades iranianas e no medio das especulacións dunha posible represalia israelí aos ataques iranianos lanzados o 1 de outubro contra o Estado xudeu.
Israel asegurou que responderá, e as autoridades políticas e militares iranianas ameazan con replicar con máis forza.
Este venres, durante un rezo colectivo na memoria de Nasrallah, o líder supremo de Irán Ali Khamenei, afirmou, fusil en man, que o ataque contra Israel foi "o menor dos castigos pola agresión israelí".
