Jéssica Bouzas métese en cuartos de final do WTA 250 de Guangzhou

Jéssica Bouzas accede a cuartos de final do WTA 250 de Guangzhou tras superar en oitavos de final esta mañá á chinesa Han Shi por 6-3 e 6-4 nunha hora e media de partido. É a vitoria número 49 do ano para a de Vilagarcía, que volveu completar outro moi bo partido ante unha moza rival de 19 anos que non llo puxo fácil.

Jéssica xogará o venres por un posto en semifinais contra a gañadora do duelo entre a norteamericana Caroline Dolehide e a checa Marie Bouzkova, que é a cabeza de serie número dous do evento e a número 47 do mundo.

Coas súas dúas vitorias en Cantón, Jéssica asegúrase outra semana máis no top 60 e colócase de forma provisional no posto 55, a súa mellor clasificación mundial ata a data.

Primeros cuartos de final #WTA y nuevo mejor ranking ⚡️

Jessica Bouzas sigue con su espectacular temporada y pasa la 2R del #GuangzhouOpen superando a la china Shi por 6-3 6-4. La gallega, virtualmente la nueva N55 del mundo 🥹

📸 @ZubiTennis pic.twitter.com/0cHysVFd6s

— Tenis España (@RFETenis) October 23, 2024