Julio Delgado: "Cada vez manexamos mellor estas competicións"

A final anticipada caeu do lado galego. E fíxoo de maneira máis clara do que se agardaba. Nunha gran segunda parte o conxunto da Mariña foi quen de dobregar ao seu inimigo íntimo, o Atlético Navalcarnero, nun pavillón de Vista Alegre envorcado co seu equipo. Julio Delgado analizou no Galicia en Goles este emocionante partido.

"É algo espectacular, nun partido moi igualado. Hoxe amosaron que querer é poder. Volvemos ser valentes, noutra competición que cada vez manexamos mellor, é importante a experiencia que fai moito. É moito traballo, sacrificio e esforzo. Estamos na final que é o noso obxectivo. Este é o partido que hai que ver e gozar. Calquera rival será digno".