O Burela Pescados Rubén rabuña un punto diante do poderoso Palma Futsal (2-2)

O Burela Pescados Rubén empatou no Pavillón de Vista Alegre diante do poderoso Palma Futsal (2-2). Ao equipo da Mariña escapoulle a vitoria no segundo tempo. Nunha gran primeira metade conseguiu ir ao descanso cun 2-0 (goles de Alberto e Isma). O conxunto visitante meteu presión no recomezo e empatou cos tantos de Ernesto e Piqueras. 

O que non puido conseguir nada positivo foi o Noia Portus Apostoli que recibía no Agustín Mourís o Barcelona (0-4). O equipo catalán non lle deu opción ao galego e con dobretes de Eric Martel e Antonio sentenciou o partido.