JxCat confirma que votará si á investidura de Sánchez tras as dúbidas da véspera
JxCat confirma que votará si á investidura de Sánchez tras as dúbidas da véspera
"O acordo está asinado e onte Sánchez ratificouno", asegurou Nogueras
Míriam Nogeras, voceira de Junts no Congreso (EFE/Daniel González)
A portavoz de JxCat no Congreso, Míriam Nogueras, confirmou este xoves que os sete deputados da formación independentista votarán si á investidura de Pedro Sánchez tras as dúbidas expresadas durante a xornada do mércores, en que trasladaron ao PSOE o seu "malestar" co discurso do candidato.
"Nós respectamos os acordos aos que chegamos. Hai meses empezamos unhas negociacións que hoxe continúan, e a investidura de Sánchez é só un dos puntos do acordo que asinamos", asegurou en declaracións a RAC1.
Onte, Nogueras reuniuse co secretario de organización do PSOE, Santos Cerdán, para trasladarlle o malestar da súa formación co ton do discurso de Sánchez, en concreto por vincular a amnistía co "perdón", e desde a formación independentista esperábase un xiro na réplica do candidato.
"O acordo está asinado e onte Sánchez ratificouno", concluíu. Con todo, Nogueras sinalou que a lexislatura durará.
