Leite de cabra ecolóxico en Nogueira de Ramuín

Era o lugar onde os monxes de Santo Estevo gardaban as cabras. Séculos despois, esta aldea de Cortecadela volve ás súas orixes grazas a José Luis Pombar. Marchou sendo un rapaz. Emigrou a México, regresou e ocupou postos de responsabilidade nunha empresa ata que decidiu darlle un xiro á súa vida e montar unha explotación gandeira no lugar onde nacera. Pensou en vacas, pero os terreos xa non se adaptaban, así que acabou mercando cabras de leite.

Empezou con 60 animais e agora xa ten mais de 200. Exemplares de raza florida que unicamente se alimenta do que pacen nestes montes. Moxe ao redor de 150 litros ao día cos que elabora uns 20 queixos. Conta con catro variedades distintas. Por agora, toda a súa produción queda en Galicia.