Liberado en Ponteareas tras un accidente con dous coches implicados

Os bombeiros de Ponteareas (Pontevedra) liberaron a unha persoa que quedou atrapada no seu coche tras chocar con outro vehículo e envorcar.

O choque produciuse na PO-254 en Pías, cara ás tres desta madrugada, segundo informa o 112 Galicia.

Os bombeiros rescataron á persoa que quedou atrapada, mentres que os ocupantes do outro coche implicado saíron polos seus propios medios.

Grazas a dúas chamadas de aviso a Emerxencias puido activarse este operativo, que contou coa asistencia dos sanitarios do 061 e os axentes da Policía local.

Tamén acudiu o persoal da Axencia Galega de Infraestruturas (AXI) para asumir as tarefas de limpeza e retirada dos múltiples restos do accidente que quedaron na vía.