Luis Casimiro, novo adestrador do Breogán
Luis Casimiro, novo adestrador do Breogán
É un dos adestradores con máis experiencia en Liga Endesa, dirixindo nada menos que 757 partidos na máxima categoría do baloncesto español
Este mesmo xoves dirixirá o seu primeiro adestramento
O Río Breogán anunciou este mércores que o veterano técnico ciudadrealeño Luis Casimiro será o substituto do croata Veljko Mrisic no banco do seu primeiro equipo.
“Luis Casimiro é un dos adestradores con máis experiencia en Liga Endesa, dirixindo nada menos que 757 partidos na máxima categoría do baloncesto español -terceiro na clasificación histórica tras Aíto García Reneses (1.111) e Pedro Martínez (1.026)”, destacou o club presidido por Carmen Lence no seu comunicado de prensa.
Luis Casimiro, novo adestrador do Río Breogán
— Río Breogán (@CBBreogan) December 4, 2024
Benvido! #ForzaBreo #FagamosEquipo @ACBCOM https://t.co/nNdBVDKutj pic.twitter.com/rB7FC5MnXI
Casimiro vivirá a súa segunda etapa no Breogán, xa que na tempada 1992-93 foi axudante de Ricardo Hevia, co que celebrou a permanencia na máxima categoría.
Luis Casimiro dirixirá este mesmo xoves o seu primeiro adestramento como adestrador do Breogán, tras o cal será presentado en rolda de prensa. O seu debut será ante o Gran Canaria, ao que dirixiu entre 2016 e 2018.
