Luis Casimiro, moi preto de asinar co Breogán

Luis Casimiro ten moitas opcións a substituto de Veljko Mrsic no banco del Río Breogán. As negociacións están no seu punto alto e poderían pecharse nas próximas horas. Na cúpula breoganista o desexo é que o novo técnico se incorpore esta semana e xa debute no encontro do próximo domingo na cancha do Gran Canaria. 

Luis Casimiro foi desde o primeiro momento o nome mellor colocado nunha lista de candidatos na que, entre outros, tamén están Óscar Quintana e Joan Plaza. O preparador manchego gusta no Pazo polo seu modelo, a súa personalidade e, sobre todo, pola súa dilatada experiencia na liga ACB, onde dirixiu 757 partidos e é o terceiro adestrador con mellor rexistro despois de Aíto García Reneses (1.111) e Pedro Martínez (1.026), o actual adestrador do Valencia Básket.

Sería a súa segunda etapa nun Breogán do que formou na tempada 1992/1993 como axudante de Ricardo Hevia.