Macron cambia oito ministros do seu goberno
Macron cambia oito ministros do seu goberno
Quere darlle un novo pulo ao Executivo despois da crise das pensións e da dos disturbios
O presidente francés Emmanuel Macron remodelou este xoves o seu Goberno con oito novos membros e, sobre todo, perfís máis políticos en Educación e Sanidade.
O seu obxectivo é tentar darlle un novo pulo ao Executivo despois da crise das pensións e da dos disturbios.
Os principais cambios son o do titular de Educación, o historiador de orixe senegalesa Pap Ndiaye, ao cal substituirá o ata o de agora ministro de Facenda Gabriel Attal, un próximo de Macron de só 34 anos, e o do ministro de Sanidade François Braun, substituído por Aurélien Rousseau, que era director de gabinete de Borne.
Mantéñense os titulares dos departamentos máis políticos e a primeira ministra Élisabeth Borne.
