Mala xornada galega no fútbol sala

Unha derrota e un empate na novena xornada da Primeira División de Fútbol Sala. Caeu o Burela na casa fronte ao Manzanares nun partido que se decidiu nos últimos sete minutos. Aí chegaron os tres goles do visitante. Marcaron Antoñito, Daniel, de penalti, e Zequi, a porta baleira desde campo propio. O Burela queda con sete puntos.

Dous puntos suma o Noia logo do empate conseguido diante do Córdoba. Álex García marcou para os galegos no minuto 27 nunha acción de estratexia. Echavarría igualou para os andaluces no minuto 36. O Noia segue no último posto.