Malestar entre os feirantes pola suba do custo da instalación nas festas de Boiro
Malestar entre os feirantes pola suba do custo da instalación nas festas de Boiro
Algúns decidiron subir o prezo das atraccións para facerlle fronte ao aumento dos custos
No Concello din que subiron os prezos porque levaban tempo conxelados e que agora se igualan aos doutras localidades
Os feirantes comparten o seu malestar pola suba do prezo da instalación nas festas de verán de Boiro.
"O ano pasado os prezos estaban bastante arranxados. Este ano, sen máis nin máis, a uns subíronlles e outros baixáronlles. Iso non o vemos ben. Tiven unha reunión co tenente alcalde para arranxar este tema noso", conta Ángel Petrovich, feirante.
Agardan poder chegar a un acordo para que reduzan os custos porque nalgún caso, segundo advirten, o prezo pola instalación aumentou ata un 66 %. Ante isto, algúns decidiron repercutir esta suba no cliente. Ademais, quéixanse do sistema de adxudicación de sitio a través dunha poxa.
"Levo aquí anos e por culpa dun euro nesa poxa, quitáronme o sitio. Tiven apoio dos meus compañeiros e recuperei o sitio, pero iso da poxa non o vexo ben", di Cassandra, outra feirante.
E tamén hai malestar polas condicións do lugar onde teñen que deixar as súas caravanas.
"Un punto de luz para todas as caravanas aí, a 300 metros. Temos que mirar polo noso, que nós pagamos tamén", engade Ángel.
No Concello din que subiron os prezos porque levaban tempo conxelados e que agora se igualan aos doutras localidades veciñas.
