Manuel Lesmes, un galego no mundial de fotografía

Un galego, Manuel Lesmes, foi seleccionado para participar no mundial de fotografía. Concursará cunha foto sacada na ría de Muros e Noia que vai percorrer moitos países.

"A fotografía é arte. Punto", exclama este ribeirense, que fala da humildade e o traballo como camiño para captar a verdade. A súa mirada aprendeu da mirada do seu pai, da mirada do seu avó. Tres xeracións de fotógrafos que explican o salto dos detalles de onte aos detalles de hoxe.  

Manuel foi elixido mellor fotógrafo de vodas de España en 2020. "Ao mirar unha fotografía, o principal é que haxa emoción e sentimento", conclúe.

Este ribeirense é exemplo de como o tempo, de onte a hoxe, foi traendo novas miradas a un mesmo lugar. Mesmo escenario, distintas fotografías. "Esta está feita na estrada do faro de Corrubedo. Esta foto levoume ao mundial en 2020". Daquela participou na categoría de voda.

E agora, para o mundial de 2022, foi seleccionado na categoría de reportaxe. A súa foto representará a Galicia no mundial, co equipo espeañol. Nestes meses vindeiros, cada país votará a cegas as fotos dos demais países. Así que, acabe gañando ou non, a foto que Lesmes fixo na ría de Muros e Noia dará a volta ao mundo.