Milleiros de persoas participan nas degustación da XVI Feira do Viño de Monterrei
Milleiros de persoas participan nas degustación da XVI Feira do Viño de Monterrei
O horario de apertura dos postos das 18 adegas participantes é de 19:30 a 1:00 horas, o sábado pola tarde, e o domingo 13, de 12:30 a 14:30 horas e de 19:30 a 24:00 horas, na alameda de Verín
Os prezos nesta edición son de 5 degustacións de viños brancos ou tintos por 10 euros e unha copa personalizada da D. O. por dous euros
A ocupación hoteleira acada o 100 % nos hoteis e restaurantes de Verín e comarca
A alameda de Verín convértese esta fin de semana no mellor es caparate para dar a coñecer os viños brancos e tintos da Denominación de Orixe Monterrei.
Moita xente é a que se está a achegando a degustar algúns dos 18 caldos das adegas que están presentes este ano na feira. Desde o Concello Regulador da D. O. aseguran que esta décimo sexta edición está a ser todo un éxito de público. Só na xornada de venres din que se degustaron cerca de 9.000 copas de viño. Tamén hai postos de produtos gastronómicos e unha morea de actividades paralelas, como catas ou formacións e tamén ha música desde pola mañá ata a noite para amenizar o ambiente.
A Denominación de Orixe Monterrei é a máis nova dos viños galegos pero cada ano vai medrando un pouco máis e o ano pasado comercializaron 6 millóns de botellas de viño.
Éxito de visitantes e degustacións
Milleiros de visitantes e milleiros de copas de viño certifican o éxito da décimo sexta edición da Feira do Viño de Monterrei.
Verineses e moitos turistas proban e escollen entre as diferentes variedades autóctonas. Uns prefiren os viños brancos e outros os tinto Mencía.
A vitivinicultura é o principal motor económico do val de Monterrei e desde o seu nacemento no ano 1994 a denominación de orixe cada vez é máis coñecida pola calidade dos seus caldos. Conta con 28 adegas inscritas e 730 hectáreas cultivadas. No 2022 certificaron de 4.707.350 litros, o que supón un crecemento do 79 % nos últimos cinco anos.
A Feira do Viño de Monterrei deixa tamén completos estes días os hoteis, restaurantes e cafeterías da vila de Verín.
