Mingueza: "Non debe ser escusa, pero a xogada de Carles é penalti"

A derrota ante un rival directo pruíu no Celta e no celtismo, que se queixou amargamente da actuación arbitral. O primeiro e máis claro foi o técnico Carlos Carvalhal en sala de prensa do estadio balear. Logo, xa na zona mixta, o catalán Òscar Mingueza atendía o enviado especial da Radio Galega Roberto Carlos Carballo e confirmaba o malestar polas decisións do colexiado.

"Non queremos que sirva de escusa, pero unha acción que pode trocar o partido, no directo non o vin ben, pero na repetición vexo que lle poñen a man enriba. Non podemos xa facer nada. Nestes temas cando ten que entrar o VAR, nunca nos axudan. Son cousas que non dependen de nós. Sempre será así. Teremos que vivir con iso".