Moncho Fernández, técnico do Girona: "Quero involucrarme con esta terra e con este club"

O santiagués Moncho Fernández é o elixido polo Xirona para substituír a Fotis Katsikaris, a escolla de Marc Gasol para endereitar o rumbo do pechacancelas da ACB. O técnico grego foi destituído despois da derrota contra o Leyma. Dáse a casualidade de que o vindeiro rival do Xirona tamén será un equipo galego, pois visitará a pista do Breogán. 

As primeiras palabras de Moncho Fernández como adestrador do Bàsquet Girona foron en catalán.

 "Prometo que o meu catalán mellorará co tempo. A miña intención é involucrarme o máximo posible nesta terra, neste club, nesta cidade"

Fernández estivo catorce temporadas á fronte do Obradoiro, trece delas en ACB. Máis de catrocentos partidos de experiencia e sempre sacando grandes resultados cun equipo modesto, que acabou descendendo de categoría na última xornada da pasada campaña. 

✅ Benvingut Moncho!
Benvido adestrador 👋 pic.twitter.com/TOw3QLCZbo

— Bàsquet Girona (@BasquetGirona) December 16, 2024