Morre aos 88 anos o escritor albanés Ismaíl Kadaré

Ismaíl Kadaré, o principal representante da literatura albanesa, morreu este luns en Tirana aos 88 anos de idade, segundo informou a axencia de noticias France-Presse.

✍️ L'écrivain albanais Ismaïl Kadaré est décédé à 88 ans, a annoncé son éditeur à l'#AFP pic.twitter.com/kl7tSBR3vY

— Agence France-Presse (@afpfr) July 1, 2024

Kadaré faleceu no Centro Hospitalario Universitario Nai Teresa de Tirana "tras sufrir un paro cardiorrespiratorio", segundo indicou Radio Free Europe en albanés.

A súa obra, con máis de 40 títulos, está centrada na historia recente do seu país

Nacido en 1936 en Argirocastro, o autor de numerosas novelas, dramas e poemas traducidos a 45 idiomas, foi académico e un dos máis grandes escritores contemporáneos. A súa obra está integrada por máis de corenta títulos, entre os que salientan El general del ejército muerto (1963; última edición en castelán 2019), El ocaso de los dioses de la estepa (1978; última edición en castelán 2009), a distopía El Palacio de los Sueños (1981; última edición en castelán 2007), e a máis recente Tres minutos. Sobre el misterio de la llamada de Stalin a Pasternak (2023).

Ha muerto Ismaíl Kadaré, clásico contemporáneo de la literatura universal, Príncipe de Asturias de las Letras 2009, pero nos quedan sus libros. pic.twitter.com/fB091LVU9y

— Alianza Editorial (@alianza_ed) July 1, 2024

Foi candidato ao Nobel e en 2009 obtivo o Premio Príncipe de Asturias das Letras

En varias ocasións foi candidato ao premio Nobel pola súa obra, centrada no totalitarismo que viviu Albania ata comezos da década de 1990. 

O presidente de Albania, Bajram Begaj, o primeiro ministro, Edi Rama, así como o titular de Asuntos Exteriores, Igli Hasani, expresaron este luns as súas condolencias a través das redes sociais.

We mourn the loss of Ismail Kadare, a monumental figure in Albanian and European literature. His literary brilliance transcended borders, profoundly shaping the understanding of Albania’s history and heritage. His works fascinated millions of readers worldwide, undoubtedly… pic.twitter.com/FqFzf3Bogy

— Igli Hasani (@IgliHasani) July 1, 2024

Tamén Vjosa Osmani, presidenta de Kósovo, onde a maioría da poboación, de etnia albanesa, comparte o idioma de Kadaré, indicou que "o pobo de Kósovo, como todo o pobo albanés, está hoxe de loito".

Today, we mourn the loss of a monumental voice, a once-in-a-generation treasure.

Ismail Kadare's profound and remarkable contribution to Albanian and world literature will continue to inspire generations to come.

Through his works, he fearlessly championed the Albanian… pic.twitter.com/vAPC8bGD63

— Vjosa Osmani (@VjosaOsmaniPRKS) July 1, 2024

En 1990, tras pronunciarse a favor da democratización do seu país, emigrou a Francia, onde en 1996 foi admitido como membro da Academia Francesa de Ciencias Morais e Política. En 2005 obtivo o Premio Booker Internacional, en 2009 o Premio Príncipe de Asturias das Letras e en 2023 foi distinguido polo presidente Emmanuel Macron co título da Lexión de Honor francesa.

Kadaré foi distinguido co título da Lexión de Honor francesa en 2023 (France-Presse).