Morre aos 88 anos o premio Nobel de Literatura Kenzaburo Oe

O escritor xaponés Kenzaburo Oe, galardoado co premio Nobel de Literatura en 1994, morreu este luns aos 88 anos por causas naturais. "Morreu de vello na madrugada do 3 de marzo", segundo informou a editorial Kodansha nun comunicado.

Na nota explican que xa se oficiou un funeral familiar na intimidade e que proximamente se organizará unha cerimonia pública.

O escritor, un dos máis importantes novelistas xaponeses contemporáneos, naceu en 1935 na prefectura de Ehime e estudou Letras Francesas na Universidade de Tokyo. Destacou polo seu papel activo na xeración democrática da posguerra, opoñéndose ao militarismo e defendendo o pacifismo.

En 1958 terminou a súa primeira novela, Arrincade as sementes, fusilade os nenos, ambientada na guerra. En 1994 converteuse no segundo autor nipón en conseguir o premio Nobel de Literatura.