Falece aos 90 anos o arcebispo surafricano e Nobel da Paz Desmond Tutu

O arcebispo emérito surafricano Desmond Tutu, premio Nobel da Paz de 1984 polo seu activismo contra o réxime de segregación racista do "apartheid", morreu este domingo aos 90 anos, informaron fontes oficiais.

Nun comunicado emitido polo Goberno surafricano, o presidente do país, Cyril Ramaphosa, confirmou o falecemento e enviou as súas condolencias á familia Tutu.

"A morte do arcebispo emérito Desmond Tutu é outro capítulo de perda na despedida da nosa nación a unha xeración de destacados surafricanos que nos legaron unha Suráfrica liberada", sinala o mandatario no texto.