Morre atropelada en Roma unha moza de Boiro que estaba de Erasmus

Unha moza natural do concello de Boiro e estudante do Grao en Medicina na Universidade de Santiago de Compostela (USC) faleceu este xoves tras sufrir un atropelo en Roma, onde estudaba este curso cunha bolsa Erasmus.

Segundo confirmaron fontes consultadas por Europa Press, o accidente produciuse a principios desta semana e, tras permanecer ingresada en estado crítico, faleceu este xoves como consecuencia das feridas.

A moza estudaba nestes momentos na Università de Roma, na capital italiana. Polo momento descoñécese cando será trasladada a Galicia.