Música e xogos animan a Foliada das Letras Galegas
Música e xogos animan a Foliada das Letras Galegas
Barbadás festexa a segunda edición desta romaría, que promove unha volta á tradición
Á sombra dos carballos, afastada do tráfico habitual no núcleo urbano da Valenzá, a foliada das letras galegas de Barbadás celebrou a súa segunda edición coa vocación de se converter nunha cita sinalada para os veciños.
"Boa comida e boa xente arredor. Unha cousa fóra de serie. Que volva mañá ou pasado", propón un veciño.
A música é o fío condutor desta romaría que vela pola tradición. Gaitas e pandeiretas animaron a xornada. "Cheguei pola mañá a ver como estaba todo isto e animeime", di unha nena.
Música tradicional e xogos tamén tradicionais. "Xogamos aos zancos e o tres en raia", sinala outra cativa.
E de recordo para todos, un canistrel de vimbios, elaborado de xeito colaborativo.
Sergio Moreno, cesteiro: "A medida que van pasando, nenos e maiores, se teñen curiosidade ensínolles como se fai e seguen eles".
Unha homenaxe ás letras desde o folclore galego.
