O Arenteiro conta as xornadas para certificar o ascenso

O Arenteiro segue avanzando con paso firme para o ascenso a 1RFEF. Noutro exercicio de solvencia (un máis) derrotou o Marino de Luanco por 1-0, gol marcado polo capitán Álex Fernández. 

Chegoulle con ese tanto de Álex no minuto 18 e en Espiñedo todo o mundo sabía que podía ser dabondo. Os de Javi Rey controlaron á perfección o encontro, xeraron as ocasións necesarias para marcar un segundo gol e case non sufriron oportunidades de perigo xeradas polo equipo asturiano.