O Arenteiro debuta con derrota na Primeira Federación

O Arenteiro non puido traer nada positivo da súa estrea na Primeira Federación. Nun campo con historia como o Nou Estadi, a culpa tívoa unha acción illada cando so se disputaran cinco minutos de partido. Unha acción a balón parado que transformou Nacho González no que sería o único gol do partido.

Buscou a igualada o conxunto do Carballiño, especialmente nos últimos minutos nos que gozou dun par de boas ocasións. Pero os galegos non estiveron atinados, e comezan a súa andaina nesta terceira categoría do fútbol español con derrota.