O Arenteiro saca un empate de Avilés (1-1) e mantén a diferenza

O Arenteiro perdeu en Avilés a ocasión de ampliar a súa diferenza na cabeza da Segunda Federación. Pero segue invicto lonxe do Espiñedo e seguiu sumando, neste caso un valioso empate en Avilés que lle permite manter sete puntos de marxe.

Os ourensáns traballaron o partido na primeira metade e, á volta dos vestiarios, adiantábanse por medio de Pibe. A vantaxe puideron mantela ata case o final. Foi no minuto 86 cando un excompostelanista como Primo conseguía o gol do empate. A igualada mantén eses sete puntos de marxe co equipo santiagués e tamén co Valladolid Promesas no máis alto da clasificación.