O Arenteiro ten un reto maiúsculo no Reino de León (sábado, 20:00 horas, na G2)

O Arenteiro mídese coa Cultural Leonesa este sábado nun encontro que poderán seguir a través desta casa (20:00 horas). A Cultural, que suma catro xornadas sen perder, poñerá a proba o equipo que dirixe Javi Rey. Os do Carballiño chegan en bo momento tras impoñerse ao Sestao e saír da zona vermella da clasificación.

Tamén poderán seguir en directo o domingo ao mediodía o partido do filial do Celta na casa do Osasuna B. Os de Claudio Giráldez son o equipo galego máis en forma da categoría e aspiran a consolidarse na zona alta da táboa.

O Lugo pecha a participación dos galegos nesta novena xornada no campo do Raio Majadahonda. A semana pasada selou a terceira vitoria da temporada e colocouse na novena praza. Á espera do que suceda esta xornada, os de Pedro Munitis están a dous puntos da promoción para o ascenso.