O Banco de España combate a fraude dos billetes falsos en Santiago con cursos formativos

Dende hai un par de meses estanse a detectar en Santiago billetes falsos, principalmente de 50 e 20 euros. Repítese tanto que o Banco de España está dando cursos para que os hostaleiros saiban distinguilos.

A hostalería e o comercio son os lugares escollidos para intentar colar estes billetes falsos. A falta de máquina que os detecte temos que coñecer o máis básico para que non o recibamos. Temos que mirar o billete a contraluz, aparece un fío cunha banda escura, na que se lee euro e o importe do billete moi pequeniño. Teñen textura diferente, son máis lisos.

Nos auténticos pasamos Os dedos e notamos un relevo, que nos falsos non está. Os falsos teñen marcas de auga moi borrosas. Moitos empregan estes billetes  de 50 € en tomar algo de pouco custo para obter o cambio en moeda de curso legal.

O Banco de España quere combater a fraude cos euros falsos que están a circular por Santiago. Con este fin crea uns cursos formativos para ensinar aos profesionais e cidadáns a distinguir os billetes e como actuar se sospeitan da autenticidade do billete ou moeda. A hostalería é o sector onde hai máis mobilidade de billetes falsos. 

Algún xa notou en circulación billetes que non son de curso legal. A formación, que pode ser en liña ou presencial, é ben recibida tamén polo comercio. E toda esta formación xorde polos intentos de fraude rexistrados en Compostela, hai uns meses, pola obra dun coñecido delincuente que tentaba estafar nos locais de hostalería. Actualmente está en prisión.