O Barakaldo pásalle por riba ao Ourense C. F. (1-3)

O Barakaldo foi moi superior ao Ourense Club de Fútbol (1-3) e déixao na última posición da Primeira RFEF. Aos trece minutos gañaba por 0-2 con dous goles en lanzamentos de falta. O primeiro de Revilla e o segundo marcado por Pablo Santiago. 

O partido foi un ida e volta con constantes ocasións de gol e que se resolveu xusto antes do descanso co gol de Maroan. Ao pouco de comezar o segundo tempo Dani Prada recurtou diferenzas. Era abrir a porta da esperanza para os de Rubén Domínguez pero aí quedou a cousa. Calquera dos dous equipos puido marcar pero o marcador xa non se movería.