O Baxi Ferrol cítase coa historia na ida dos cuartos de final da European Cup

O Baxi Ferrol viaxa a Sardeña na procura dunha praza para as semifinais da European Cup. Este xoves disputa a ida dos cuartos fronte ao Dinamo Sassari. Sen apenas tempo para recuperarse do último compromiso da liga, en que tirou de épica para derrotar o Jairis murciano, o Baxi afronta o seguinte obstáculo europeo. As sensacións, máis alá do cansazo, son boas. 

O Baxi, cun percorrido máis que meritorio na European Cup, soña con seguir protagonizando grandes momentos en Europa. Poderán seguir o partido na G2 e en Agalega.gal este xoves ás 20:30 horas.